Ang ini nga listahan isa pa gid lamang ka inisyal nga listahan sang mga manunulat sa Hiligaynon kag padayon nga pagadugangan sang Tambubo Hiligaynon samtang nagadamo ang mga nabalhag nga mga obra sang mga manunulat sa Hiligaynon.
Cichon, Melchor. Nagtapos si Melchor F. Cichon sang edukasyon sa Pamantasang Manuel L. Quezon. Iya nakuha ang iya nga sertipiko sa fisheries kag government management, masterado sa management kag library science sa UP. Nangin kabahin sang College of Fisheries and Ocean Sciences sa UP Visayas bilang laybraryan sa madugay nga panahon. Nakilal-an si Cichon tungod sa iya nga mga binalaybay sa Akeanon nga mabasa sa nagkalain-lain nga antolohiya kag magasin. Sang tuig 1995 ginbaton ni Cichon ang isa ka writing grant para sa pagsulat sa lengwahe nga Akeanon halin sa National Commision for Culture and the Arts, samtang sang tuig 2001 siya naman ang nakabaton sang Gawad Balagtas halin sa Writers Union of the Philippines. Pamatuod ang mga antolohiya sina parehas sang Ham-at Madueom Ro Gabii? kag Haiku, Luwa and Other Poems by Aklanons sa pagpanikusog ni Cichon nga buhion kag padayunon ang panulatan sang mga Akeanon. Sa subong sia ang ginakabig man nga “Amay sang Kontemporaryo nga Panulatan sang Filipinas sa Akeanon” tungod sa indi maisip nga kontribusyon sini sa panulatan sang Aklan.
Darap, Norman. Si Norman Tagudinay Darap natawo sa Manila kag nagdako sa Tubungan, Iloilo. Manunulat sya sa Hiligaynon, Kinaray-a, kag Filipino. Gradwado sa BS in Nursing halin sa University of San Agustin. Nakatambong na sa national writers workshop sa Bacolod kag sa Iligan. Kaduha na sya magdaog sa Premyo Palanca sa Hiligaynon.
Deriada, Leoncio P. Si Leoncio P. Deriada amo ang ginakabig nga “Father of Western Visayan Literature”. Nabun-ag sa Iloilo City kag nagdaku sa Davao City. Nagtapos sia sang B.A. English sa Ateneo de Davao University; cum laude sang 1959; sang M.A. English sa Xavier University sang 1970 kon sa diin ya man nakuha ang iya PhD sa English kag Literature nga may ispesyalisasyon sa creative writing halin sa Silliman University sang 1981. Ang iya mga binalaybay, malip-ut nga sugilanon, drama kag iban pa nga sinulatan mabasa sa mga lenggwahe nga English, Filipino, Hiligaynon, Kinaray-a kag Cebuano. Gingawaran sia sang Palanca Hall of Fame sang Setyembre 1, 2001. Tungod sa iya kontribusyon sa literatura, ginkilala sia sang nagkalain-lain nga mga organisasyon kaangay sang Gawad Pambansang Alagad ni Balagtas, Asiaweek, Gawad CCP, Graphic, Focus, Yuhum (Iloilo), kag Blue Knight Award halin sa Ateneo de Davao para sa Outstanding Achievement sa Literature. Sang tuig 2002, nangin isa sia sa mga tagdaug sang Metrobank's Outstanding Teachers award. Nagtudlo sia sa UP Visayas, nangin direktor sang Sentro ng Wikang Filipino sa UP Visayas, kag nangin associate sang U.P. Institute of Creative Writing.
Cichon, Melchor. Nagtapos si Melchor F. Cichon sang edukasyon sa Pamantasang Manuel L. Quezon. Iya nakuha ang iya nga sertipiko sa fisheries kag government management, masterado sa management kag library science sa UP. Nangin kabahin sang College of Fisheries and Ocean Sciences sa UP Visayas bilang laybraryan sa madugay nga panahon. Nakilal-an si Cichon tungod sa iya nga mga binalaybay sa Akeanon nga mabasa sa nagkalain-lain nga antolohiya kag magasin. Sang tuig 1995 ginbaton ni Cichon ang isa ka writing grant para sa pagsulat sa lengwahe nga Akeanon halin sa National Commision for Culture and the Arts, samtang sang tuig 2001 siya naman ang nakabaton sang Gawad Balagtas halin sa Writers Union of the Philippines. Pamatuod ang mga antolohiya sina parehas sang Ham-at Madueom Ro Gabii? kag Haiku, Luwa and Other Poems by Aklanons sa pagpanikusog ni Cichon nga buhion kag padayunon ang panulatan sang mga Akeanon. Sa subong sia ang ginakabig man nga “Amay sang Kontemporaryo nga Panulatan sang Filipinas sa Akeanon” tungod sa indi maisip nga kontribusyon sini sa panulatan sang Aklan.
Darap, Norman. Si Norman Tagudinay Darap natawo sa Manila kag nagdako sa Tubungan, Iloilo. Manunulat sya sa Hiligaynon, Kinaray-a, kag Filipino. Gradwado sa BS in Nursing halin sa University of San Agustin. Nakatambong na sa national writers workshop sa Bacolod kag sa Iligan. Kaduha na sya magdaog sa Premyo Palanca sa Hiligaynon.
Deriada, Leoncio P. Si Leoncio P. Deriada amo ang ginakabig nga “Father of Western Visayan Literature”. Nabun-ag sa Iloilo City kag nagdaku sa Davao City. Nagtapos sia sang B.A. English sa Ateneo de Davao University; cum laude sang 1959; sang M.A. English sa Xavier University sang 1970 kon sa diin ya man nakuha ang iya PhD sa English kag Literature nga may ispesyalisasyon sa creative writing halin sa Silliman University sang 1981. Ang iya mga binalaybay, malip-ut nga sugilanon, drama kag iban pa nga sinulatan mabasa sa mga lenggwahe nga English, Filipino, Hiligaynon, Kinaray-a kag Cebuano. Gingawaran sia sang Palanca Hall of Fame sang Setyembre 1, 2001. Tungod sa iya kontribusyon sa literatura, ginkilala sia sang nagkalain-lain nga mga organisasyon kaangay sang Gawad Pambansang Alagad ni Balagtas, Asiaweek, Gawad CCP, Graphic, Focus, Yuhum (Iloilo), kag Blue Knight Award halin sa Ateneo de Davao para sa Outstanding Achievement sa Literature. Sang tuig 2002, nangin isa sia sa mga tagdaug sang Metrobank's Outstanding Teachers award. Nagtudlo sia sa UP Visayas, nangin direktor sang Sentro ng Wikang Filipino sa UP Visayas, kag nangin associate sang U.P. Institute of Creative Writing.
Dimzon, Alain Russ. Si Alain Russ Dimzon ang nabun-ag sang Oktubre 31, 1963 sa Jaro sa syudad sang Iloilo. Nagtapos sang Bachelor of Science in Biology Sciences sa West Visayas State University; Bachelor in Local Government Administration (BLGA) sa Iloilo State College of Fisheries (2009). Nangin fellow sang 33rd UP National Writers Workshop (1998) sa UP Los Baños kag sang 7th Iligan National Writers Workshop (2000) sa Mindanao State University. Nagdaug sia sang 3rd prize sa iya sugilanon nga “Binukot” sa Don Carlos Palanca Memorial Awards for Literature (2012); ang iya koleksyon sang binalaybay nga “Ang Bakunawa kag iban pa nga mga binalaybay” nakaangkon sang pagkilala halin sa Komisyon sa Wikang Filipino (2007); Ang Manunulat kag Ang Pendulum ang una niya nga libro nga ginbalhag sang Fray Luis de Leon Competitive Book Writing Grant (2006); nakuha man niya ang Gawad Emmanuel Lacaba bilang Best New Writer in Hiligaynon halin sa National Commision for Culture and the Arts (2000). Madamo sa iya nga mga binalaybay kag sugilanon ang nabalhag sa nagkalain-lain nga antolohiya kag magasin katulad sang Phillipine Panorama, The Philippine Graphic, Philippine Free Press, National Midweek kag The Sunday Times Magazine.
Gadong, Early Sol. Si Early Sol Gadong ginbun-ag kag nagdako sa Bo. Obrero sa Dakbanwa sang Iloilo. Nagtapos sya sang BS in Applied Mathematics kag Master of Education (Mathematics) sa UP Visayas. Nangin kabahin sya sang mga regional kag national writers workshop kaangay sang Iyas National Writers Workshop, Ateneo National Writers Workshop, kag Iligan National Writers Workshop. Ang iya mga nasulat nabalhag sa Hiligaynon magazine, Newsbreak magazine, kag sa mga antolohiya nga ginbalhag sang Komisyon sa Wikang Filipino kag UP Press. Una niya nga libro ang "Si Bulan, Si Adlaw, kag si Estrelya" nga ginbalhag sang Balay Sugidanun.
Galon, Noel. Taga-Guimaras si Noel Galon. Gradwado sya sang AB Major in Communication Arts halin sa University of San Agustin sa Iloilo kon sa diin manunudlo sya sa Department of Languages and Humanities. Manunulat sang binalaybay kag sugilanon sa Hiligaynon kag Filipino. Ang Isang Botelyang Alaala ang una niya nga koleksyon sang mga binalaybay.
Hidalgo, Resurrecion. Si Resurrecion ukon Rex Hidalgo tumandok sang Brgy. Matag-ub, Janiuay, Iloilo. Natapos niya ang BS in Psychology sa University of Iloilo (2006). Nakabaton sia sang Cultural Center of the Philippines Literary Grant para sa pagsulat sang malip-ot nga sugilanon para sa mga bata sa Hiligaynon (1991) kag nobela (1992). Nangin editor sia sang News Express sadtong tuig 1997-2004 kag 2009-2011 kag Feature and Movie Editor sia sang Hiligaynon magazine sang tuig 1992-1993. Nangin Editor man sia sang Journal Visayas 1997-2004. Sa subong, Bise Presidente sia sang Sumakwelan Iloilo.
Montinola, Gil. Taga-Mina, Iloilo si Gil Montinola. May Bachelor in Elementary Education halin sa West Visayas State University. Pintor sya kag manunulat sang mga binalaybay kag mga sugilanon. Nakatambong sya sa national writers workshop sa Iligan. Manunudlo sa Dala-Singay Elementary School sa Mina.
Siscar, Edgar. Si Edgar Hubero Siscar ang nabun-ag sa banwa sang Pavia, Iloilo (1953). Nagapuyo sa Cadena de Amor Street, Don Francisco Villagae, MH del Pillar, Jaro sa syudad sang Iloilo. Natapos niya ang iya kurso nga AB English with Philosophy as Minor Field of Concentration sa Maryhurst Seminary sa Baguio (1974), Master of Management, Major in Public Mangament (MMPM) sa University of the Philippines Visayas (1997). Subong nagaubra sia bilang Division Chief, Administrative & Records Division sa Iloilo City Treasurer's Office. Nangin recipient sang Cultural Center of the Philippines Literary Grant para sa pagsulat sang malip-ot nga suigilanon sa Hiligaynon (1993), First Prize Winner sa Quin Baterna Short Story Writing Contest sa Hiligaynon (1993), kag Third Place Winner, Yuhum Magazine Sugilambong (1990). Sa subong aktibo niya nga ginabuhi ang Hiligaynon paagi sa Pahina Hiligaynon nga nagasaysay sa internet sang mga estorya nahanungod sa kultura kag kabuhi sang mga Ilonggo.
Tan-Gonzales, Alice. Si Alice Tan-Gonzales nabun-ag kag nagdaku sa Bacolod, Negros Occidental, kag nagapuyo sa Iloilo City halin sang 1982. Nagtapos sia sang A.B. Literature sa La Salle College, Bacolod; sang M.A. Literature sa Ateneo de Manila University; kag sang Ph.D. English Studies: Creative Writing sa University of the Philippines, Diliman, Quezon City. Katapo sia sang faculty sang Humanities Division, UP Visayas, Iloilo, kag nagatudlo sang English Communication kag Literature sa kolehiyo. Nagsulat sia sang mga malip-ut nga sugilanon, binalaybay kag drama sa Hiligaynon. Sia ang awtor sang duha ka libro sang malip-ut nga sugilanon, Sa Taguangkan sang Duta kag iban pa nga sugilanon nga ginbalhag sang 2009 kag May isa ka Kuring nga Hari kag iban pa nga sugilanon para sa kabataan nga ginbalhag sang 2010.
No comments:
Post a Comment